سوال:
السلام علیکم، مفتی صاحب! مسجد میں داخل ہوتے وقت دعا پڑھنا اور دایاں پاؤں اندر رکھنا مسنون ہے، اس بات کی وضاحت فرما دیں کہ کیا مسجد کے بیرونی گیٹ کے اندر داخل ہوتے وقت دعا پڑھی جائے یا اس حصہ میں داخل ہوتے وقت دعا پڑھی جائے جہاں نماز پڑھی جاتی ہے؟
جواب: واضح رہے کہ مسجد کا جو حصہ نماز کے لیے مخصوص ہے، اور جس حصہ پر مسجد کے احکام جاری ہوتے ہیں، (مثلاً: جنبی کا مسجد میں داخل نہ ہونا، اور معتکف کا بلاضرورت مسجد سے باہر قدم نہ رکھنا وغیرہ) اس میں داخل ہوتے وقت دعا پڑھنی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (کتاب صلوٰۃ المسافرین ، باب ما یقول إذا دخل المسجد، 248/1)
عن أبي أسید قال : قال رسول اللہ ﷺ : ’’ إذا دخل أحدکم المسجد فلیقل : اللہم افتح لي أبواب رحمتک۔
واللہ تعالٰی اعلم بالصواب
دارالافتاء الاخلاص،کراچی