سوال:
مفتی صاحب! اگر کسی کو استحاضہ ہے تو کیا ہر نماز کے وقت پیڈ چینج کرنا چاہیے؟
جواب: واضح رہے کہ اگر مستحاضہ کو خون اتنا تسلسل سے آرہا ہو کہ پیڈ (Pad) تبدیل کرنے کے بعد نماز سے فارغ ہونے سے پہلے پیڈ دوبارہ ناپاک ہوجاتا ہو تو اس کے لیے ہر نماز سے پہلے پیڈ بدلنا ضروری نہیں ہے، بصورتِ دیگر ہر نماز کے لیے پیڈ بدلنا ضروری ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
الدلائل:
رد المحتار: (305/1، ط: سعید)
(وإن سال على ثوبه) فوق الدرهم (جاز له أن لا يغسله إن كان لو غسله تنجس قبل الفراغ منها) أي: الصلاة (وإلا) يتنجس قبل فراغه (فلا) يجوز ترك غسله، هو المختار للفتوى، وكذا مريض لا يبسط ثوبه إلا تنجس فورا له تركه۔ل.
واللّٰه تعالٰی اعلم بالصواب
دارالافتاء الاخلاص، کراچی