سوال:
مفتی صاحب! جب ہم نماز کیلئے کھڑے ہوتے ہیں تو دونوں پیروں کے درمیان کتنا فاصلہ رکھنا صحیح ہے؟
جواب: واضح رہے کہ دونوں پاؤں کی ایڑیوں کے درمیان تقریباً چار انگلیوں کا فاصلہ رکھنا مستحب ہے، لیکن اگر کسی شخص کو اس طرح کھڑے ہونے میں حرج ہو تو دونوں پاؤں کے درمیان معتدل فاصلہ رکھ سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (باب صفۃ الصلاۃ، بحث القیام، 444/1)
وینبغي أن یکون بینہما مقدار أربع أصابع الید؛ لأنہ أقرب إلی الخشوع۔
واللہ تعالٰی اعلم بالصواب
دارالافتاء الاخلاص،کراچی