سوال:
کیا یہ وصیت کی جاسکتی ہے کہ میری نمازِجنازہ میرا بڑا بیٹا پڑھائے؟ اس میں کوئی قباحت تو نہیں؟
جواب: کوئی شخص اپنے اولیاء کو یہ وصیت کرکے مرے کہ میری نمازِ جنازہ فلاں شخص پڑھائے تو اُس کے اولیاء پر اس وصیت کا پورا کرنا لازم نہیں ہے، کیونکہ جنازہ پڑھانا ورثاء کا حق ہے، تاہم اگر اولیائے میت اُس فلاں شخص سے نماز پڑھوانا چاہیں، تو اس میں کوئی حرج بھی نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (163/1، ط: دار الفکر)
وفي الكبرى الميت إذا أوصى بأن يصلي عليه فلان فالوصية باطلة وعليه الفتوى، كذا في المضمرات.
واللہ تعالٰی اعلم بالصواب
دارالافتاء الاخلاص،کراچی