سوال:
السلام علیکم، مفتی صاحب! ہماری مسجد دو منزلہ تعمیر ہوئی ہے، امام صاحب بالائی منزل پر نماز پڑھاتے ہیں، اور مقتدی کچھ امام صاحب کے ساتھ اوپر والی منزل میں نماز پڑھتے ہیں، اور کچھ مقتدی نچلی منزل میں نماز پڑھتے ہیں، اب مسئلہ یہ ہوا کہ بعض حضرات نے کہا کہ نچلی منزل والوں کی نماز نہیں ہوئی، کیونکہ امام کا مقتدی کے سامنے ہونا ضروری ہے، کیا یہ بات درست ہے؟ برائے کرم اس مسئلے کی وضاحت فرما دیں۔
جواب: سوال میں پوچھی گئی صورت میں چونکہ بالائی منزل پر امام کے ساتھ چند مقتدی بھی ہوتے ہیں، اس لیے نچلی منزل والے مقتدیوں کی اقتداء صحیح ہوجاتی ہے، تاہم امام کا بلا عذرنچلی منزل چھوڑ کر اوپر والی منزل پر جماعت کرانا مکروہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیہ: (الفصل الثانی فی ما یکرہ فی الصلاۃ و ما لایکرہ، 108/1)
ویکرہ ان یکون الامام وحدہ علی الدکان وکذا القلب فی ظاھر الروایہ کذا فی الھدایہ وان کان بعض القوم معہ فالاصح انہ لایکرہ۔
واللہ تعالٰی اعلم بالصواب
دارالافتاء الاخلاص،کراچی