سوال:
السلام علیکم، مفتی صاحب ! کیا امام کی تکبیر کے ساتھ ہی مقتدی بھی فورا تکبیر کہے یا امام کے تکبیر کہنے کے بعد کہے؟
جواب: واضح رہے کہ مقتدی تکبیر امام سے پہلے شروع نہ کرے اور نہ ہی امام سے پہلے ختم کرے، بلکہ امام کے تکبیر شروع کرنے کے بعد مقتدی تکبیر کہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیہ: (الباب الرابع، 68/1)
ویحرم مقارنا التحریمہ الامام عند ابی حنیفہ وعندھما بعد ما احرم والفتوی علی قولھما۔۔۔۔۔ المقارنة۔۔۔۔۔۔۔۔۔ أن یوصل المقتدي ہمزة ”اللہ“ براء ”أکبر“ کذا فی المصفی فی باب الحنفیہ
واللہ تعالٰی اعلم بالصواب
دارالافتاء الاخلاص،کراچی