سوال:
مفتی صاحب! کچھ مقتدی حضرات امام سے پہلے رکوع اور سجدے میں چلے جاتے ہیں، ان کا یہ فعل شرعاً کیسا ہے؟
جواب: واضح رہے کہ مقتدی کے لیے رکوع یا سجدہ میں امام سے آگے بڑھنا مکروہ ہے۔ حدیث شریف میں اس پر سخت وعید وارد ہوئی ہے، لہذا اس سے اجتناب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوۃ المصابیح: (102/1)
عن ابی ہریرۃ قال قال رسول اﷲ ﷺ اما یخشی الذی یرفع راسہ قبل الا مام ان یحول اﷲ راسہ راس حمار۔
واللہ تعالٰی اعلم بالصواب
دارالافتاء الاخلاص،کراچی