سوال: السلام علیکم، مفتی صاحب! اگر باجماعت نماز میں امام نے نماز ختم کرنے کے لیے سلام پھیر دیا، لیکن ابھی مقتدی درود شریف ہی پڑھ رہا تھا، تو کیا مقتدی کو بھی امام کے ساتھ سلام پھیر دینا چاہیے یا اپنی درود شریف و دعا مکمل کرنی چاہیے؟

جواب: واضح رہے کہ اگر امام نے مقتدی کے تشہد مکمل ہونے سے پہلے سلام پھیر دیا، تو مقتدی کو تشہد مکمل کرکے سلام پھیرنا چاہئے، لیکن اگر مقتدی تشہد مکمل کرکے درود شریف پڑھ رہا ہو، اور امام سلام پھیر دے، تو اس صورت میں مقتدی درود شریف مکمل کیے بغیر امام کے ساتھ ہی سلام پھیر دے۔