سوال: مفتی صاحب ! السلام علیکم، اگر 4 رکعات والی سنتوں کی آخری 2 رکعت میں سورۃ فاتحہ کے بعد سورت پڑھنا بھول جائیں تو سجدہ سہو کرنا کافی ہے یا پوری نماز دوبارہ پڑھنی ہوگی؟

جواب: واضح رہے کہ اگر سنتوں کی تیسری یا چوتھی رکعت میں سورت ملائے بغیر رکوع میں چلا جائے، اور رکوع میں جانے کے بعد یاد آئے، تو وہ دوبارہ کھڑا ہوکر سورت پڑھے، اور پھر دوبارہ رکوع کرلے، اور آخر میں سجدہ سہو کرلے، تو نماز صحیح ہوجائے گی۔
اور اگر رکوع میں بھی یاد نہ آئے، تو آخر میں سجدہ سہو کرنے سے نماز ہوجائے گی، دوبارہ پڑھنے کی ضرورت نہیں ہوگی۔