سوال:
میں نے سنا ہے کہ تین انگلیوں سے کھانا کھانا چاہیے، حدیث میں ایسا ہی آتا ہے، کیا یہ بات درست ہے؟
جواب: کعب بن مالک رضی اللہ عنہ فرماتے ہیں کہ حضور اکرم صلی اللہ علیہ وسلم کی عادت شریف تین انگلیوں سے کھانا تناول فرمانے کی تھی اور ان کو چاٹ بھی لیا کرتے تھے۔
واضح رہے کہ عام حالات میں جس چیز کو تین انگلیوں سے کھانا آسان ہو، اس کو تین انگلیوں سے کھانا مسنون ہے، لیکن چاول وغیرہ یا ایسی چیز جس کا تین انگلیوں سے کھانا مشکل ہو، اس میں چوتھی اور پانچوی انگلی شامل کرنا خلاف سنت نہیں، اس لئے کہ آپ اسے پانچ انگلیوں سے کھانا بھی ثابت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مرقاۃ المفاتیح: (کتاب الأکل، 162/8- 163، ط: مکتبہ امدادیة، ملتان)
الأکل بالثلاث سنۃ فلا یضم إلیہا الرابعۃ، والخامسۃ إلا لضرورۃ وفي حدیث مرسل أنہ صلی اﷲ علیہ وسلم کان إذا أکل أکل بخمس؛ ولعلہ محمول علی المائع، أو علی القلیل النادر۔۔۔۔ فإن عادتہ في أکثر الأوقات ہو الأکل بثلاث أصابع۔
تکملۃ فتح الملہم: (23/4، ط: اشرفیہ دیوبند)
واللہ تعالٰی اعلم بالصواب
دارالافتاء الاخلاص،کراچی