سوال:
السلام علیکم،
اگر جماعت کی نماز میں امام قراءت شروع کر چکا ہو، تو ثناء پڑھنے کا کیا حکم ہے؟ کیا قراءت کے دوران ثناء پڑھ سکتے ہیں یا نہیں؟ اور اگر نہیں تو پھر کب پڑھیں؟
جواب: واضح رہے کہ جہری (جن نمازوں میں آواز سے قراءت کی جاتی ہے) نماز میں امام کے قراءت شروع کرنے سے پہلے تک مقتدی ثناء پڑھ سکتا ہے، اور سری (جن نمازوں میں آواز سے قراءت نہیں کی جاتی ہے) نماز میں مقتدی رکوع میں جانے تک ثناء پڑھ سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (الفصل السابع فی المسبوق و اللاحق، 90/1، ط: رشیدیہ)
اذا ادرک الامام فی القراء ۃ التی فیھا یجھر فیھا لا یأتی بالثناء کذا فی الخلاصۃ وھو الصحیح.
خلاصۃ الفتاوی: (الفصل الخامس العشر فی الامامۃ، 165/1، ط: امجد اکیدمی، لاھور)
وفی صلاۃ المخافتۃ یاتی بالثناء اذا ادرکہ قائما.
واللہ تعالٰی اعلم بالصواب
دارالافتاء الاخلاص،کراچی