سوال: مفتی صاحب! اگر شرٹ پر گھوڑے اور انسان کا مونو گرام بنا ہو اور اس میں جاندار کی تصویر بھی واضح ہو تو کیا ایسے کپڑے میں نماز پڑھنا درست ہے؟

جواب: واضح رہے کہ اگر شرٹ پر جاندار کے مونو گرام والی تصویر بڑی ہو، یعنی اگر اس کو زمین پر بچھا کر کھڑے ہو کر دیکھا جائے تو اس کے اعضاء واضح طور پر نظر آئیں تو یہ شرعاً تصویر کے حکم میں داخل ہوگا، اور اس شرٹ کو پہن کر نماز پڑھنا مکرہ تحریمی ہوگا، البتہ اگر تصویر مٹادی جائے یا چھپالی جائے یا اس کا چہرہ مکمل کاٹ دیا جائے یا اس پر سیاہی مل دی جائے تو ان تمام صورتوں میں نماز بغیر کراہت کے درست ہو جائے گی۔