سوال: مفتی صاحب ! اگر کسی کے پاس صرف چھ تولہ سونا ہو یا صرف باون تولہ چاندی ہو اور اس کے علاوہ کچھ نقدی نہ ہو، تو ایسی صورت میں زکوٰۃ واجب ہوگی یا نہیں؟

جواب: واضح رہے کہ اگر کسی کے پاس صرف سونا یا چاندی ہے، اس کے علاوہ تھوڑی سی بھی نقدی وغیرہ نہیں ہے، تو جب تک سونے اور چاندی کا نصاب مکمل نہیں ہوجاتا، تب تک زکوٰۃ فرض نہیں ہوتی۔
اور سونے کا نصاب ساڑھے سات تولہ اور چاندی کا نصاب ساڑھے باون تولہ ہے، لہذا اگر کسی کے پاس سونے کے زیورات ہوں، ان زیورات میں سے خالص سونا سات تولہ ہو، اگرچہ اس میں ہیرے اور موتیوں اور زیورات کی ڈھلائی، ان سب کی قیمت لگائی جائے، تو وہ قیمت ساڑھے سات تولہ سونے کی مالیت کو پہنچ بھی جائے، تب بھی زکوٰۃ فرض نہیں ہوگی، کیونکہ ہیرے، موتی اور زیور کی ڈھلائی کو سونے میں شمار نہیں کیا جاتاہے، اب چونکہ خالص سونا تو سات تولہ ہے، جو کہ اپنے نصاب سے کم ہے، اس وجہ سے زکوٰۃ فرض نہیں ہوگی۔
یہی صورت چاندی میں بھی ہو سکتی ہے۔