سوال: السلام علیکم، حضرت ! سورج گرہن میں حاملہ عورت کے گھر سے باہر نکلنے کے بارے میں شریعت میں کوئی خاص ہدایت ہے، تو مطلع فرمادیں، ڈاکٹر حضرات اس دوران باہر نکلنے سے منع فرماتے ہیں۔

جواب: رسول اکرم صلی اللہ علیہ وآلہ وسلم کی سیرت طیبہ سے سورج گرہن کے وقت نماز، استغفار، ذکر اور دعا میں مشغول ہونا تو ثابت ہے، مگر سورج گرہن کے وقت حاملہ خواتین کے لیے گھر سے باہر نکلنے سے متعلق کوئی خصوصی احکام و ممانعت ثابت نہیں ہے، لہذا سورج گرہن کے وقت حاملہ خواتین کے لیے گھر سے باہر نکلنے میں شرعاً کوئی ممانعت نہیں ہے، البتہ اگر اطباء اور ڈاکٹروں کی رائے میں احتیاط کرنا ضروری ہو، تو ان کی ھدایات پر عمل کرنے میں کوئی حرج نہیں ہے، لیکن یہ شریعت کا حکم نہیں ہے، لہذا اس پر بطورِ طبی علاج کے اگر کوئی عمل کرنا چاہے تو اس کی گنجائش ہے۔