سوال:
مفتی صاحب! میں نے فاریکس ٹریڈنگ میں پیسے لگائے ہوئے تھے، مجھے ابھی معلوم ہوا ہے کہ فاریکس ٹریڈنگ حرام ہے، مجھے بس یہ معلوم کرنا ہے کہ فاریکس ٹریڈنگ میں جو پیسے ہارے ہوں، وہی ریکور کرنے کے لیے فاریکس ٹریڈنگ کرے تو اس کا کیا حکم ہے؟
جواب: واضح رہے کہ فاریکس ٹریڈنگ (Forex trading) میں سرمایہ کاری کئی شرعی خرابیوں (مثلا؛ سٹہ بازی، غیر موجود کی خرید فروخت وغیرہ) پر مشتمل ہونے کی وجہ سے جائز نہیں ہے، لہذا اپنے ہارے ہوئے پیسوں کی واپسی (Recovery) کے لیے بھی فاریکس ٹریڈنگ کرنے سے اجتناب لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (المائدة: 90﴾
يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ."
رد المحتار: (كتاب الحظر والإباحة، 406/3، ط: سعيد)
لأن القمار من القمر الذي يزداد تارة وينقص أخرى، وسمي القمار قمارا لأن كل واحد من المقامرين ممن يجوز أن يذهب ماله إلى صاحبه، ويجوز أن يستفيد مال صاحبه وهو حرام بالنص.
مجمع الانھر: (13/3، ط: کوئته)
لا یصح بیع المنقول قبل قبضه، لنهيه علیه السلام عن بیع ما لم یقبض۔
واللہ تعالیٰ أعلم بالصواب
دار الافتاء الاخلاص،کراچی