سوال: السلام علیکم، مفتی صاحب! ہمارے ہاں لوگ اپنے بچوں کی عمر کم لکھواتے ہیں، تاکہ آگے چل کر آسانی ہوجائے، اور ریٹائر ہونے کی عمر میں دو یا تین سال کا اضافہ ہو جائے، پوچھنا یہ ہے کہ کیا اس اضافے سے جو نوکری کر رہا ہے، اس سے حاصل ہونے والی تنخواہ جائز ہے یا ناجائز؟

جواب: صورت مسؤلہ میں غلط بیانی کرکے عمر کم لکھوانا جھوٹ اور دھوکہ کے زمرے میں شامل ہے، جس کا گناہ ہو گا، البتہ اس نوکری سے ملنے والی تنخواہ حلال ہوگی۔