سوال:
السلام علیکم، مفتی صاحب! میرے پاس ایک شخص نے اپنی امانت کی رقم رکھوائی، اور اس پر سال گزر گیا، تو کیا مجھ پر لازم ہے کہ میں اس رقم کی زکوٰۃ ادا کروں؟ یا جس کی رقم ہے، وہ اس کی زکوۃ ادا کرے گا؟
جواب: صورت مسؤلہ میں آپ کے ذمہ اس کی زکوٰۃ لازم نہیں ہے، بلکہ امانت رکھوانے والے کے ذمہ اس کی زکوۃ ادا کرنا لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (کتاب الزکاۃ، 186/3، ط: زکریا)
وشرطہ أي شرط افتراض أدائہا حولان الحول وہو في ملکہ وثمنیۃ المال کالدراہم والدنانیر لتعینہما للتجارۃ بأصل الخلقۃ فتلزم الزکاۃ کیفما أمسکہما ولو للنفقۃ أو السوم أو نیۃ التجارۃ في العروض الخ۔
واللہ تعالٰی اعلم بالصواب
دارالافتاء الاخلاص،کراچی