سوال: السلام علیکم، مفتی صاحب! ہم لوگ ایک ایسی برادری سے تعلق رکھتے ہیں کہ تمام برادری والے مشترکہ طور پر چندہ اکٹھا کرلیتے ہیں، تاکہ وہ کسی اچھے برے وقت میں ہمارے کام آئے، اور اسمیں بندہ کوئی کم دیتا ہے کوئی زیادہ دیتا ہے، پوچھنا یہ ہے کہ اس چندہ پر اگر سال گزر جائے، تو کیا اس کی بھی زکوۃ ادا کی جائے گی یا نہیں؟

جواب: واضح رہے کہ جو رقم کسی مقصد کے لیے چندہ میں دے دی جائے، اس کی حیثیت وقف کے مال کی سی ہو جاتی ہے، اور چندہ دینے والوں کی ملکیت نہیں رہتی، اس لیے اس پر زکوۃ واجب نہیں ہوگی۔