سوال: السلام علیکم، مفتی صاحب! اگر کوئی شخص اپنی چھوٹی بچیوں کے نام چھ چھ تولہ سونا کر دے، تاکہ جب وہ بڑی ہوں، تو ان کی شادی وغیرہ میں ان کے کام آ سکے، تو اس صورت میں زکوۃ کا کیا حکم ہوگا؟ اور زکوۃ کس پر لازم ہوگی؟

جواب: واضح رہے کہ زیور بچیوں کے نام کرنے سے وہ اس کی مالک بن گئیں، اس لیے باپ کے ذمے اس کی زکوۃ واجب نہیں ہے، اور اگر بچیاں نابالغ ہیں، تو ان کے ذمہ بھی زکوٰۃ واجب نہیں، جب تک وہ بالغ نہ ہو جائیں، البتہ جو لڑکی بالغ ہو، اور اس کے پاس مذکورہ مالیت کے زیور کے علاوہ کچھ نقد روپیہ پیسہ بھی ہو، جس کی مجموعی قیمت ساڑھے باون تولہ چاندی یا اس سے زیادہ ہو، اور اس پر سال گزر جائے، تو اس لڑکی پر زکوۃ لازم ہوگی۔