سوال: السلام علیکم، مفتی صاحب! میرے والد سرکاری ملازم ہیں، ان کو تنخواہ کے ساتھ مکان کا کرایہ اور ٹرانسپورٹ کا کرایہ وغیرہ ملتا ہے، کیا اس تنخواہ پر زکوٰۃ لازم ہوگی؟ جبکہ اس تنخواہ سے ہمارا گزارا بھی مشکل سے ہوتا ہے، اور وہ رقم مہینے کے آخر میں ختم ہو جاتی ہے۔

جواب: واضح رہے کہ زکوۃ تنخواہ پر واجب نہیں، بلکہ بچت کی رقم پر واجب ہوتی ہے، جبکہ وہ رقم ساڑھے باون تولہ چاندی کی قیمت کو پہنچ جائے، اور اس پر سال گزر جائے۔