سوال: السلام علیکم، مفتی صاحب !‎ اگر ماں کے پاس اپنے گزارے کے پیسے ہوں، تو کیا اس کے لئے بے نمازی بیٹے سے پیسے لینا جائز ہے؟

جواب: واضح رہے کہ اگر کسی کا بیٹا خدانخواستہ نماز ترک کرنے کے گناہ میں مبتلا ہو، لیکن اس کی آمدنی حلال ہو، تو والدین کے لیے اسے استعمال کرنے میں شرعاً کوئی ممانعت نہیں ہے۔ البتہ اگر والدین کو یہ امید ہو کہ اپنے بیٹے کے پیسے لینے سے انکار کرنے پر، اسے ندامت اور شرمندگی ہوگی اور وہ نماز کی پابندی کرنے لگے گا، تو اس کے اس گناہ پر ناراضگی کا اظہار کرنے اور اسے تنبیہ کرنے کے لیے، اس سے پیسے لینے سے انکار کرنا چاہیے، تاکہ وہ والدین کی ناراضگی کے ڈر سے اللہ کی ناراضگی سے بچ جائے اور نماز کی پابندی کرنے لگے۔
لیکن ساتھ ساتھ نرمی اور پیار و محبت کے ساتھ اسے نماز کی ترغیب دیتے رہنا اور اس کے لیے دعائیں کرتے رہنا چاہیے۔