سوال:
السلام علیکم، مفتی صاحب ! کیا عمرہ کرنے والا مہندی یا خوشبو لگا سکتا ہے؟
جواب: واضح رہے کہ احرام سے پہلے یا احرام سے نکلنے کے بعد خوشبو یا مہندی لگانا جائز ہے، البتہ حالت احرام میں خوشبو اور مہندی لگاناجائز نہیں ہے، لہذا اگر حالت احرام میں محرم کے منہ یا ہاتھ پر خوشبو لگ گئی تو زیادہ خوشبو لگنے کی صورت میں دم لازم آئے گا اور معمولی خوشبو لگنے کی صورت میں صدقہ فطر (یعنی پونے دو کلو گندم یا اس کی قیمت) کے برابر صدقہ کرنا واجب ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
المبسوط للسرخسی: (125/4، ط: دار المعرفة)
(قال): وإن خضبت المحرمة بالحناء يدها فعليها دم لما روي «أن النبي - صلى الله عليه وسلم - نهى المعتدة أن تختضب بالحناء، وقال: الحناء طيب»، ولأن له رائحة مستلذة، وإن لم تكن زكية.
غنیة الناسک: (ص: 245، ط: ادارة القرآن کراتشی)
فإن طیب عضوا کبیرا کاملا من أعضائہ فما زاد کالرأس والوجہ واللحیۃ والفم والساق والفخذ والعضد والید والکف ونحو ذلک ، فعلیہ دم وإن غسلہ من ساعتہ۔
واللہ تعالی اعلم بالصواب
دارالافتاء الاخلاص،کراچی