سوال: خمس من الدواب کلھن فاسق یقتلھن فی الحرم: الغراب والحداۃ والعقرب والفارۃ والکلب العقور۔ کیا یہ حدیث صحیح ہے اور کیا جہاں بھی یہ جانور ملیں تو ان کو مارنا ضروری ہے؟

جواب: عن عائشۃ رضی اللہ عنہا: ان رسول اللہ ﷺ قال : خمس من الدواب، کلھن فاسق، یقتلھن فی الحرم: الغراب والحداۃ والعقرب والفارۃ والکلب العقور۔
(رقم الحدیث 1829، باب ما یقتل المحرم من الدواب، ج1، ص451، دارالکتب العلمیۃ)
ترجمہ:
حضرت عائشہ رضی اللہ عنہ سے روایت ہے کہ رسول اللہ ﷺ نے فرمایا پانچ جانور ایسے ہیں، جو سب کے سب موذی ہیں اور انہیں حرم میں بھی مارا جا سکتا ہے: کوا، چیل، بچھو، چوہا اور کاٹنے والا کتا۔
تشریح:
اس حدیث شریف کا مطلب یہ ہے کہ وہ حشرات الارض جو موذی ہوتے ہیں اور انسانوں کے لیے تکلیف اور نقصان کا باعث بنتے ہیں، انہیں مارنے میں کوئی حرج نہیں ہے، اس سے یہ نہیں سمجھنا چاہیے کہ ان کا مارنا ضروری اور واجب ہے۔