سوال:
السلام علیکم، مفتی صاحب ! اگر لاعلمی میں یا غلط فہمی کی وجہ سے کسی صاحب نصاب شخص یا باپ بیٹے(مطلب ایسے رشتہ دار جن کو زکوة دینا شرعا ممنوع ہے) وغیرہ کو زکوة کی رقم دے دی گئی، تو کیا زکوة کی ادائیگی ہو جائے گی؟
جواب: واضح رہے کہ اگر زکوۃ دینے والے کا غالب گمان اور تحقیق یہ ہو کہ جسے زکوۃ دی جارہی ہے، وہ زکوۃ کا مستحق ہے، تو ایسے شخص کو زکوۃ دینے سے زکوۃ ادا ہو جائے گی، اگرچہ بعد میں یہ ظاہر ہو کہ زکوۃ کسی غیر مستحق یا باپ، بیٹا وغیرہ کو دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوى الهندية: (189/1)
اذاشک وتحری فوقع فی اکبر رأیہ انہ محل الصدقۃ فدفع الیہ اوسأل منہ فدفع أو راہ فی صف الفقراء فدفع فان ظھر أنہ محل الصدقۃ جاز بالاجماع وکذا ان لم یظھر حالہ عندہ واما اذا ظھر انہ غنی أو ھاشمی أو کافر أو مولی الھاشمی أو الوالدان أو المولودون أو الزوج أو الزوجۃ فانہ یجوز وتسقط عنہ الزکوۃ… واذا دفعھا ولم یخطر ببالہ انہ مصرف أم لافھو علی الجواز الا اذا تبین انہ غیر مصرف واذا دفعھا الیہ وھو شاک ولم یتحرأ وتحری ولم یظھر لہ أنہ مصرف أو غلب علی ظنہ انہ لیس بمصرف فھو علی الفساد الا اذا تبین انہ مصرف۔
الدر المختار: (252/2)
(دفع بتحر) لمن یظنہ مصرفاً(فبان انہ عبدہ أومکاتبہ أو حربی ولو مستأمنا أوا عادھا) لمامر (وان بان غناہ أو کونہ ذمیا او انہ ابوہ أو ابنہ او امراتہ او ھاشمی لا) یعید لانہ أتی بما فی وسعہ حتی لو دفع بلا تحرلم یجز ان أخطا۔
واللہ تعالٰی اعلم بالصواب
دارالافتاء الاخلاص،کراچی