سوال:
میرا ایک دوست پانچ ٹائم کا نمازی اور دیندار ہے، اس کی شروع سے بڑی داڑھی ہے، اس کو ایک جاب مل رہی ہے لیکن کمپنی والے بول رہے ہیں کہ آپ داڑھی کٹوا لو تو ہم آپ کو یہ نوکری دیں گے ورنہ نہیں دیں گے تو اسی صورت میں اس کو کیا کرنا چاہیے؟
جواب: پوچھی گئی صورت میں مذکورہ کمپنی میں ملازمت اختیار کرنے کی وجہ سے آپ کے دوست کے لیے داڑھی منڈوانا یا ایک مشت سے کم کرانا جائز نہیں ہے، بلکہ ان کو چاہیے کہ اللہ کے حکم پر عمل کرنے کی خاطر ایسی کمپنی میں ملازمت اختیار نہ کرے، ان شاءاللہ! اللہ تعالیٰ اس کے بدلے اس سے بہتر ملازمت اور اجر اس کو عطا فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحيح البخاري: (رقم الحديث: 5892، 160/7، ط: دار طوق النجاة)
عن ابن عمر عن النبي صلى الله عليه وسلم قال: خالفوا المشركين: وفروا اللحى وأحفوا الشوارب، وكان ابن عمر إذا حج أو اعتمر قبض على لحيته، فما فضل أخذه.
و فيه أيضاً: (رقم الحديث: 7257، 88/9، ط: دار طوق النجاة)
عن علي رضي الله عنه: أن النبي صلى الله عليه وسلم بعث جيشا، وأمر عليهم رجلا، فأوقد نارا، وقال: ادخلوها، فأرادوا أن يدخلوها، وقال آخرون: إنما فررنا منها، فذكروا للنبي صلى الله عليه وسلم، فقال للذين أرادوا أن يدخلوها: لو دخلوها لم يزالوا فيها إلى يوم القيامة. وقال للآخرين: لا طاعة في معصية، إنما الطاعة في المعروف.
واللّٰه تعالٰی اعلم بالصواب
دارالافتاء الاخلاص،کراچی