سوال:
السلام علیکم، مفتی صاحب! شریعت نے فصل کی پیداوار پر عشر لازم کیا ہے، کیا عشر میں غلہ کی جگہ اس کی قیمت دی جاسکتی ہے یا وہی پیداوار کی جنس دینا ضروری ہے؟
جواب: واضح رہے کہ اصلا تو پیداوار میں سے ہی عشر ادا کرنا واجب ہے، لیکن اگر عشر کے بقدر غلے کی قیمت دے دی جائے، تب بھی عشر ادا ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیۃ: (الباب الثالث في زکاۃ الذہب و الفضۃ، 180/1، ط: زکریا)
المال الذي تجب فیہ الزکاۃ إن أدی زکاتہ من خلاف جنسہ أدیٰ قدر قیمۃ الواجب اجماعًا۔
واللہ تعالٰی اعلم بالصواب
دارالافتاء الاخلاص،کراچی