سوال:
السلام عليكم، مفتی صاحب ! اگر فجر کے فرض سنت سمیت قضاء ہوجائیں، تو کیا فرض کے ساتھ سنت کی بھی قضاء کی جائے گی؟
جواب: اگر فجر کی نماز قضاء ہو جائے تو سورج نکلنے کے بعد اسی دن زوال سے پہلے قضاء پڑھنے کی صورت میں سنت بھی پڑھی جائے گی، البتہ زوال کے بعد قضاء پڑھی جا رہی ہو تو پھر سنت نہیں پڑھی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیۃ: (112/1)
''والسنن إذا فاتت عن وقتها لم يقضها إلا ركعتي الفجر إذا فاتتا مع الفرض يقضيهما بعد طلوع الشمس إلى وقت الزوال، ثم يسقط، هكذا في محيط السرخسي۔ وهو الصحيح"۔
واللہ تعالٰی اعلم بالصواب
دارالافتاء الاخلاص،کراچی