عنوان:
سید کی بیوی کو زکوۃ دینا کیسا ہے؟(3301-No)
سوال:
السلام علیکم مفتی صاحب! میرا ایک دوست جو کہ سید ہے، کچھ عرصہ پہلے اس کو فالج کا اٹیک ہوگیا، جس کی وجہ سے وہ جسمانی طور پر بالکل معذور ہوگیا، اور کمانے کے قابل نہیں رہا، اس کے گھر کا خرچہ، اس کی بیوی جو کہ غیر سید ہے، بڑی مشکلوں سے پورا کرتی ہے، تو کیا اس کی بیوی کو جو کہ سید نہیں ہے، زکوۃ کے پیسے دیے جاسکتے ہیں؟ تاکہ وہ اپنے گھر اور بچوں پر خرچ کرے؟
جواب: واضح رہے کہ اگر مذکورہ عورت زکوۃ کی مستحق ہے، تو اس کو زکوۃ دی جاسکتی ہے، اور اس زکوۃ کے پیسوں کی مالک ہونے کے بعد، اگر وہ چاہے تو اپنے سید شوہر اور بچوں پر خرچ کرسکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح البخاري: (باب لا یکون بیع الأمۃ طلاقاً، رقم الحدیث: 5279)
عن عائشۃ رضي اللّٰہ عنہا قالت کان في بریرۃ ثلاث سنن … ودخل رسول اللّٰہ صلی اللّٰہ علیہ وسلم والبرمۃ تفور بلحم، فقرب إلیہ خبر وأدم من أدم البیت، فقال: ألم أر برمۃ فیہا لحم؟ قالوا: بلیٰ! ولکن ذٰلک لحم تصدق بہ علی بریرۃ، وأنت لا تأکل الصدقۃ، قال: ہو علیہا صدقۃ ولنا ہدیۃ۔
فتح الباري: (505/12، ط: دار الکتب العلمیۃ)
واللہ تعالٰی اعلم بالصواب
دارالافتاء الاخلاص،کراچی
Syed ki biwi ko zakat daina kaisa hay, Sayyed, bivi, dena, kesa, he,
How is it to pay zakat to wife of a syed, paying zakat to syed's wife