سوال:
السلام علیکم مفتی صاحب ایک شخص کی عشری زمین ہے، اس نے اس کی پیداوار کا عشر نکالنے کے بعد اس کو فروخت کردیا، ایک ماہ بعد اس کو اپنی سالانہ زکوٰۃ نکالنے کا وقت آگیا، اب کیا وہ اس عشری زمین جس کا وہ عشر نکال چکا ہے، کیا اس کی قیمت کی بھی زکوٰۃ ادا کرے؟
جواب: صورت مسؤلہ میں اس زمین کی رقم پر بھی زکوۃ واجب ہے، لہذا زمین کی رقم کو نصاب کی رقم کے ساتھ ملا کر زکوۃ ادا کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیہ: (کتاب الزکاۃ، 175/1، ط: زکریا)
ومن کان لہ نصاب فاستفاد في أثناء الحول مالا من جنسہ ضمہ إلی مالہ وزکاہ سواء کان المستفاد من نمائہ أو لا، وبأي وجہ استفاد ضمہ سواء کان بمیراث أو ہبۃ أو غیر ذلک۔
واللہ تعالٰی اعلم بالصواب
دارالافتاء الاخلاص،کراچی