سوال:
السلام علیکم، مفتی صاحب! ایک شخص زکوۃ کا مستحق ہے، اور وہ اپنی ضرورت کی وجہ سے کچھ پیسے قرض کے طور پر مانگتا ہے، تو اگر اس کو زکوۃ کی رقم میں سے پیسے دے دیے جائیں، تو کیا زکوٰۃ ادا ہوجائے گی یا نہیں؟
جواب: صورت مسئولہ میں قرض مانگنے والے کو زکوۃ کی رقم دینے سے زکوٰۃ ادا ہو جائے گی، البتہ بعد میں اگر وہ شخص رقم واپس کرے، تو اس سے رقم واپس لینا جائز نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیہ: (171/1)
ومن أعطی مسکینًا دراہم وسماہا ہبۃ، أو قرضاً ونوی الزکاۃ، فإنہا تجزیہ وہو الأصح۔
واللہ تعالٰی اعلم بالصواب
دارالافتاء الاخلاص،کراچی