سوال:
میں بنیادی طور پر آن لائن کام کرتی ہوں، میں انسٹاگرام پر لوگوں کو اس بات پر راضی کرتی ہوں کہ وہ Amazon پر ریویو دینے کے بدلے فری پراڈکٹ لیں، لیکن ریویو کے بدلے فری پراڈکٹ دینا Amazon کی پالیسی کی سیدھی خلاف ورزی ہے، (Amazon اسے سختی سے منع کرتا ہے، چاہے آپ ایماندارانہ ریویو ہی کیوں نہ مانگیں، کسی بھی قسم کی مراعات کے بدلے ریویو لینا منع ہے) اور اس سے دونوں سائیڈ کے اکاؤنٹس بند ہوسکتے ہیں۔ مجھے ہر کسٹمر پر پیسے ملتے ہیں تو کیا میرا اس طرح کمایا ہوا پیسہ حرام ہے؟
جواب: پوچھی گئی صورت میں لوگوں کو تحائف (gifts) دے کر ریویوز (Reviews) لینا ایمازون (Amazon) کے ساتھ کیے گئے معاہدے کی صریح خلاف ورزی ہے (جیساکہ سوال میں ذکر ہے)، نیز اس میں غلط بیانی اور دھوکہ دہی کا بھی قوی امکان موجود ہے، اس لیے یہ معاملہ شرعاً درست نہیں، اس سے اجتناب لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (بنی اسرائیل، الآیة: 34)
واوفوا بالعھد ان العھد کان مسئولا
وقوله تعالى: (النساء، الایة: 29)
يَا اَيُّهَا الَّذِيْنَ آمَنُوْا لَا تَأْكُلُوْا اَمْوَالَكُمْ بَيْنَكُمْ بِالْبَاطِلِ إِلَّا اَنْ تَكُوْنَ تِجَارَةً عَن تَرَاضٍ مِّنْكُمْ...
التفسير المظهري: (209/1، ط: مکتبة الرشيدیة)
ولا تأكلوا أموالكم بينكم بالباطل كالدعوى الزور والشهادة بالزور او الحلف بعد إنكار الحق او الغصب والنهب والسرقة والخيانة او القمار واجرة المغني ومهر البغي وحلوان الكاهن وعسب التيس والعقود الفاسدة او الرشوة وغير ذلك من الوجوه التى لا يبیحه الشرع.
سنن الترمذي: (باب ما ذکر عن النبي صلی اللہ علیه و سلم في الصلح، رقم الحدیث: 1364)
عن عمر وبن عوف المزني رضي اللّٰہ عنه أن رسول اللّٰه صلی اللّٰه علیه وسلم قال: ۔۔۔۔ والمسلمون علی شروطہم إلاّ شرطاً حرّم حلالاً، أو أحل حرامًا.
أحکام القرآن للجصاص: (372/2، ط: دار الکتب العلمیة)
وقوله صلی الله علیه وسلم: والمسلمون عند شروطہم فی معنی قول الله تعالیٰ (اوفوا بالعقود) وھو عموم فی ایجاب الوفاء بجمیع ما یشترط الانسان علی نفسه مالم تقم دلالة تخصصه
واللہ تعالی اعلم بالصواب
دارالافتاء الاخلاص، کراچی