سوال: کیا فرماتے ہیں مفتیان کرام اس جائیداد کے مسئلہ کے بارے میں ہمارے والد ڈاکٹر یوسف منہاس کا 2005 میں انتقال ہوا، ان کے ورثاء میں 5 بیٹیاں (ساجدہ، روبینہ، ثمینہ، عائشہ، عصمت)، اور ایک بھائی (یعقوب) ہیں، شریعت کی روشنی میں میراث تقسیم فرمادیں۔

جواب: مرحوم یوسف منہاس کی تجہیز و تکفین، قرض کی ادائیگی اور اگر کسی غیر وارث کے حق میں وصیت کی ہو تو ایک تہائی (1/3) میں وصیت نافذ کرنے کے بعد تمام جائیداد کو پندرہ (15) حصوں میں تقسیم کیا جائے گا، جس میں سے یعقوب منہاس کو پانچ (5)، ساجدہ کو دو (2)، روبینہ کو دو (2)، عائشہ کو دو (2)، عصمت کو دو (2) اور صائمہ کو دو (2) حصے ملیں گے۔
اگر فیصد کے اعتبار سے تقسیم کریں
یعقوب کو % 33.33 فیصد
ساجدہ کو % 13.33 فیصد
روبینہ کو % 13.33 فیصد
عصمت کو % 13.33 فیصد
صائمہ کو % 13.33 فیصد
عائشہ کو % 13.33 فیصد ملے گا۔