عنوان:
حیات النبی ﷺ سے متعلق ائمہ حرمین کا عقیدہ(3457-No)
سوال:
ائمہ حرمین کا حیات النبی ﷺ کے بارے میں کیا عقیدہ ہے؟
جواب: واضح رہے کہ آپ ﷺ اپنی قبر میں حیات ہیں اور یہ حیات برزخی ہے، دنیا کی سی ہے مگر بلا مکلف ہونے کے، یہی ائمہ اربعہ (امام اعظم ابوحنیفہ، امام مالک، امام شافعی، امام احمدبن حنبل رحمھم اللہ) کا مسلک ہے، چنانچہ ابن عقیل حنبلی فرماتے ہیں:قال ابن عقیل من الحنابلة: ھو ﷺ حی فی قبرہ یصلی (الروضة البہیة، ص14 بحوالہ حیات انبیاء از عبدالشکور ترمذی، ص37)
ترجمہ: حنابلہ میں سے ابن عقیل نے کہا کہ آپ ﷺ اپنی قبر مبارک میں زندہ ہیں ، نماز پڑھتے ہیں۔
اس عقیدے پر اہل حق کا اجماع ہے، چنانچہ آپ کے مسائل اور ان کا حل میں مولانا یوسف لدھیانوی شہید رحمہ اللہ لکھتے ہیں : عقیدہ حیات النبیﷺ پر اجماع ہے اور اس پر علامہ سخاوی رحمہ اللہ کا قول نقل فرمایا ہے کہنحن نومن ونصدق بانہ ﷺ حی یرزق فی قبرہ وان جسدہ الشریف لاتاکلہ الارض والاجماع علی ھذا‘‘۔(آپ کے مسائل اور ان کا حل ج:10، ص:511 ، بحوالہ القول البدیع )
ترجمہ:ہمارا ایمان ہے اور ہم اس کی تصدیق کرتے ہیں کہ حضور اکرم ﷺ اپنی قبر شریف میں زندہ ہیں، آپ کو وہاں رزق بھی ملتاہے، اور آپ کے جسد اطہر کو زمین بھی نہیں کھاتی، اور اس عقیدہ پر اہل حق کا اجماع ہے۔
چنانچہ سعودیہ کے موجودہ علماء کا بھی یہی عقیدہ ہے۔
فتاوی دارالافتاء سعودی 177/2 میں لکھا ہے کہ رسول اللہﷺ وفات پاچکے ہیں، اور قبر میں نبی ﷺ کی زندگی برزخی زندگی ہے، جس کی کیفیت اللہ کے سوا کوئی نہیں جانتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الروضة البہیة: (ص: 14)
قال ابن عقیل من الحنابلة: ھو صلی الله علیہ وسلم حی فی قبرہ یصلی۔
القول البدیع:
نحن نومن ونصدق بانہ ﷺ حی یرزق فی قبرہ وان جسدہ الشریف لاتاکلہ الارض والاجماع علی ھذا۔
آپ کے مسائل اور ان کا حل: (511/10)
واللہ تعالیٰ اعلم بالصواب
دارالافتاء الاخلاص،کراچی
Hayatunnabi, Hayat un nabi, Hayatun nabi, sallallahu alaihi wasallam, saw, sallallahu alayhi wa sallam, Maslak, Hanabila, Hanabali, Fiqah, Mazhab, Madhhab,
Hayat-un-Nabi and the Hanbali sect, Peace Be Upon Him, PBUH, Jurisprudence,