سوال: السلام علیکم، مفتی صاحب ! میرے سسر کا انتقال ہو گیا ہے، ورثاء میں ایک بیوی، چار بیٹے اور تین بیٹیاں ہیں اور جائیداد میں ایک گھر ہے، جس میں بیوی اپنے دو بیٹوں کے ساتھ رہتی ہے، ایک بیٹا انگلستان میں اور دوسرا علیحدہ اپنے فلیٹ میں رہتا ہے، فلیٹ ہی میں رہنے والے چھوٹے بیٹے کا اصرار ہے کہ جائیداد تقسیم کی جائے۔
آپ رہنمائی فرمائیں کہ جائیداد کس تناسب سے تقسیم ہو گی؟

جواب: مرحوم کی تجہیز و تکفین، قرض کی ادائیگی اور اگر کسی کے لیے جائز وصیت کی ہو، تو ایک تہائی میں وصیت نافذ کرنے کے بعد مرحوم کی کل جائیداد کو اٹھاسی (88) حصوں میں تقسیم کیا جائے گا، جس میں سے بیوی کو گیارہ (11)، ہر ایک بیٹے کو چودہ (14) اور ہر ایک بیٹی کو سات (7) حصے ملیں گے۔
اگر فیصد کے حساب سے تقسیم کریں، تو بیوی کو % 12.5 فیصد
ہر ایک بیٹے کو %15.90 فیصد
اور ہر ایک بیٹی کو %7.95 فیصد ملے گا۔