سوال: نبی کریم صلی اللہ علیہ وسلم نے فرمایا: قاضی تین طرح کے ہوتے ہیں، ایک جنت میں جائے گا اور دو جہنم میں(جائیں گے)۔ جنت میں جانے والا وہ(جج) ہے، جس نے حق پہچانا اور اس کے مطابق فیصلہ کیا، اور جس(جج) نے حق پہچانا اور پھر فیصلے میں ظلم کیا تو وہ آگ میں ہے اور جس نے جاہل ہوتے ہوئے لوگوں کے فیصلے کیے، وہ بھی آگ میں ہے۔ (سنن ابو داود: 3573) کیا یہ حدیث اور حوالہ درست ہے؟

جواب: جی ہاں! یہ حدیث سنن ابی داؤد میں موجود ہے۔
عن ابن بريدة، عن ابيه، عن النبي صلى الله عليه وسلم، قال:" القضاة ثلاثة: واحد في الجنة، واثنان في النار، فاما الذي في الجنة فرجل عرف الحق فقضى به، ورجل عرف الحق فجار في الحكم فهو في النار، ورجل قضى للناس على جهل فهو في النار"، قال ابو داود: وهذا اصح شيء فيه، يعني حديث ابن بريدة القضاة ثلاثة.
(كِتَاب الْأَقْضِيَةِ، باب فِي الْقَاضِي يُخْطِئُ، حدیث نمبر:3573)
ترجمہ:
حضرت بریدہ رضی اللہ عنہ سے روایت ہے کہ نبی اکرمﷺ نے فرمایا: ”قاضی تین طرح کے ہوتے ہیں: ایک جنتی اور دو جہنمی، رہا جنتی تو وہ ایسا شخص ہو گا، جس نے حق کو جانا اور اسی کے موافق فیصلہ کیا اور وہ شخص جس نے حق کو جانا اور اپنے فیصلے میں ظلم کیا تو وہ جہنمی ہے اور وہ شخص جس نے نادانی سے لوگوں کا فیصلہ کیا وہ بھی جہنمی ہے“۔
ابوداؤد کہتے ہیں: یہ یعنی ابن بریدہ کی ”تین قاضیوں“ والی حدیث اس باب میں سب سے صحیح روایت ہے۔