سوال: مفتی صاحب ! کبھی کسی مسلمان کی وفات پیش آتی ہے، تو ہم لوگ إِنَّا لِلَّهِ وَإِنَّا إِلَيْهِ رَاجِعُونَ کہا کرتے ہیں، اگر کبھی غیر مسلم وفات پا جائے، تو پھر کچھ کہنے کی ضرورت ہے؟

جواب: واضح رہے کہ ''انا للہ وانا الیہ راجعون'' کے الفاظ میں دعا و استغفار کا پہلو نہیں ہے، بلکہ اس حقیقت کا اظہار ہے کہ ہم سب اللہ ہی کے لئے ہیں، اور اللہ ہی کی طرف ہم سب کو لوٹنا ہے، البتہ قرآن کے بیان کے مطابق یہ کلمہ مصیبت وبلاء کے موقع پر پڑھنے کا ہے، اس لیے کافر کی موت پر اس کے پڑھنے میں تامل ہوتا ہے، لہذا بہتر یہ ہے کہ اس موقع پر خاموشی اختیار کی جائے، اور اپنی آخرت کو یاد کیا جائے۔