عنوان:
زمین اور پلاٹ کی قبضہ سے پہلے خرید و فروخت(3494-No)
سوال:
السلام علیکم، مفتی صاحب ! اگر مکان قسطوں پر خریدا ہو، تو کیا الاٹمنٹ سے پہلے اس مکان کو اسی قیمت پر یا اضافی قیمت پر نفع کے ساتھ بیچا جا سکتا ہے؟
جواب: صورت مسئولہ میں جب خرید وفروخت کا معاملہ مکمل ہوچکا ہے اور کچھ رقم ادا کی جاچکی ہے تو اس پلاٹ کو نفع کے ساتھ بیچ سکتے ہیں، اگرچہ قبضہ نہ ہوا ہو، کیونکہ بیع کے لئے قبضہ صرف منقولہ چیزوں میں ضروری ہے۔
غیر منقولہ جائیداد جیسے گھر، مکان، زمین، دوکان وغیرہ کے لئے قبضہ ضروری نہیں ہے؛ اس لئے آپ دوسرے سے نفع کے ساتھ خرید و فروخت کا معاملہ کرسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البحر الرائق: (کتاب البیع، 126/6، ط: دار الکتاب الاسلامی)
’’(قوله : صح بيع العقارقبل قبضه ) أي عند أبي حنيفة وأبي يوسف ، وقال محمد لا يجوز لإطلاق الحديث ، وهو النهي عن بيع ما لم يقبض، وقياسا على المنقول وعلى الإجارة ، ولهما أن ركن البيع صدر من أهله في محله ولا غرر فيه لأن الهلاك فيالعقارنادر بخلاف المنقول ، والغرر المنهي غرر انفساخ العقد ، والحديث معلول به عملا بدلائل الجواز‘‘۔
بدائع الصنائع: (181/5، ط: دار الکتب العلمیة)
’’( وأما ) بيع المشتري العقار قبل القبض فجائز عنه عند أبي حنيفة ، وأبي يوسف استحسانا‘‘۔
شرح مجلة الأحكام العدلية: (باب البيوع، المادة: 235، 104/1، ط: دار الکتب العلمیہ)
للمشتري أن يبيع المبيع لآخر قبل قبضه إن كان عقارا وإلا فلا
واللہ تعالی اعلم بالصواب
دارالافتاء الاخلاص،کراچی
Zameen, Plot, Qabza, Qabzah, pehlay, khareed, farokht, khareed o farokht, khareed-o-farokht,
Sale Purchase of land and plots before occupation, sale-purchase of plots, sale, purchase, before occupation