سوال: السلام علیکم ورحمتہ اللہ و برکاتہ،
سوال یہ ہے کہ آجکل گورنمنٹ کامیاب نوجوان پروگرام کے تحت پانچ لاکھ تک کا قرضہ دے رہی ہے، جس سے کوئی بھی کاروبار شروع کیا جا سکتا ہے۔
واپسی کی قسط آٹھ ہزار روپے ہے، جو کہ قرضہ لینے کے ایک سال بعد سے شروع ہوتی ہے اور ہر ماہ ادا کرنی ہوتی ہے، جب تک کہ پانچ لاکھ کی پوری رقم حکومت کو واپس ادا نہ ہو جائے۔
پانچ لاکھ کے اوپر جو سود بنتا ہے، وہ حکومت ادا کرتی ہے اور قرضہ لینے والے کے ذمہ سود کی کوئی ادائیگی نہیں، صرف آٹھ ہزار کی قسط بندہ کے ذمہ ہے، تا وقتیکہ پانچ لاکھ پورے ادا نہ ہو جائیں۔ اب سوال یہ ہے کہ کیا مندرجہ بالا قرضہ لینا جائز ہے یا ناجائز؟
شکریہ

جواب: واضح رہے کہ اگر مذکورہ اسکیم کے تحت قرضے کی فراہمی سودی بنیادوں پر ہو، تو یہ اسکیم اور اس اسکیم کے تحت قرضہ حاصل کرنا دونوں ناجائز ہیں، اور اگر بلا سود قرضہ کی اسکیم ہو، اور کوئی شرعی قباحت بھی نہ ہو، تو ایسی اسکیم سے فائدہ اٹھانے کی گنجائش ہوگی۔