سوال:
محترم مفتی صاحب! براہِ کرم دکان (شاپ) اور اس میں موجود مالِ تجارت کا انشورنس کروانے کے بارے میں شرعی حکم سے آگاہ فرمائیں۔
جواب: واضح رہے کہ مروّجہ انشورنس سود اور غرر (غیر یقینی صورتحال) پر مشتمل ہونے کی وجہ سے جائز نہیں ہے، اس سے اجتناب لازم ہے، البتہ اس کے متبادل طور پر مستند علماء کرام نے شرعی اصولوں کے مطابق تکافل کا نظام تجویز کیا گیا ہے٬ لہذا جو ادارہ مستند علماء کرام کی نگرانی میں تکافل کے شرعی اصولوں کے مطابق کام کر رہا ہو٬ ان سے تکافل کی پالیسی لینے کی گنجائش ہے۔
واللہ تعالٰی اعلم بالصواب
دارالافتاء الاخلاص، کراچی