عنوان:
تلاوت کے دوران ذکر اذکار کرنا (3538-No)
سوال:
پوچھنا یہ تھا کہ میں جب صبح وین میں اسکول جاتی ہوں تو راستے میں اسکول وین والا تلاوتِ قرآن لگا دیتا ہے جبکہ میں سارے راستے دعائیں ذکر وغیرہ کرتی ہوئی جاتی ہوں، اب کیا میں تلاوت کے دوران ذکر وغیرہ کر سکتی ہوں یا تلاوت ختم ہونے کے بعد کروں کیونکہ تلاوت سننے کا بھی حکم ہے؟
جواب: صورت مسؤلہ میں چونکہ تلاوت ٹیپ ریکارڈر کے ذریعے سے سنی جارہی ہے، جس کو سننا شرعاً مستحب ہے ضروری نہیں، لہذا اگر ذکر کے دوران تلاوت لگا دی جائے تو ذکر چھوڑ کر تلاوت قرآن سننا ضروری نہیں ہے، البتہ ادب کا تقاضا یہ ہے کہ تلاوت کے دوران ذکر کو موقوف کردیا جائے اور تلاوت کو سنا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
التفسیر المظھری: (الأعراف، الایۃ: 204، 489/3، ط: زکریا)
اختلف العلماء في وجوب الاستماع والإنصات علی من ہو خارج الصلاۃ یبلغہ صوت من یقرأ القرآن في الصلاۃ أو خارجہا، قال البیضاوي: عامۃ العلماء علی استحبابہا خارج الصلاۃ، وقال ابن الہمام: وفی کلام أصحابنا ما یدل علی وجوب الاستماع في الجہر بالقراء ۃ مطلقا۔
تفسیر المنار: (553/9)
وحکی ابن المنذر: الاجماع علی عدم وجوب الاستماع والانصات فی غیر الصلٰوۃ والخطبۃ وذالک ان یجابھما علی کل من یسمع احداً یقرأ فیہ حرج عظیم لانہ یقتضی ان یترک لہ المشتغل بالعلم علمہ والمشتغل بالحکم حکمہ الخ۔
واللہ تعالٰی اعلم بالصواب
دارالافتاء الاخلاص،کراچی
Tilawat, Telawat, dauran, doran, zikr, azkar, zikar, azkaar, karna, kaisa, hay, Beech, Darmian,
Doing zikr while listening to recitation, What is it like to recite dhikr during recitation?, zikar