سوال: السلام علیکم، مفتی صاحب ! میرا سوال یہ ہے کہ احرام کی حالت میں خواتین اپنے چہرے پر کپڑا نہیں ڈال سکتیں، تو حالت احرام میں ان کے لئے پردے کا کیا حکم ہوگا ؟ رہنمائی فرمائیے

جواب: احرام کی حالت میں عورت کو چہرے پر کپڑا نہیں لگانا چاہیے، لیکن اس کا یہ مطلب نہیں کہ  احرام کی حالت میں  عورت کے چہرے کا پردہ نہیں ہے، بلکہ عورت کے لیے جہاں تک ممکن ہو پردہ کرنا  ضروری  ہے،  اس کے لیے  آج کل  بازار یا حاجی کیمپ سے کیپ (ہیڈ) ملتے  ہیں، جن  کے آگے نقاب لگا ہوتا ہے، جس سے پردہ کے اہتمام کے ساتھ احرام کی پابندی بھی پوری ہوجاتی ہے، اس کا استعمال کیا جائے۔