سوال: السلام علیکم، مفتی صاحب! اگر کسی شخص پر قرضہ ہو، اور اس کے پاس کہیں سے مال آجائے، تو وہ اس مال سے قرضہ ادا کرنے کے بجائے حج پر چلا جائے، تو کیا اس طرح اس کا حج ادا ہو جائے گا؟

جواب: صورت مسؤلہ میں مقروض کا حج تو ادا ہوجائے گا، مگر رقم ملتے ہی قرضہ ادا کرنے کی فکر کرنی چاہیے، قرضہ ادا کیے بغیر حج کیلئے جانا مناسب نہیں ہے۔
کبیرہ گناہوں میں سے سب سے بڑا گناہ یہ ہے کہ آدمی مقروض ہو کر دنیا سے جائے، اور اتنا مال چھوڑ کر نہ جائے، جس سے اس کا قرضہ ادا ہوسکے۔ میت کا قرضہ جب تک ادا نہیں کر دیا جاتا، وہ محبوس رہتا ہے، اس لیے ادائے قرض کا اہتمام سب سے اہم چیز ہے۔