سوال: ایک صاحب کھڑے ہو کر نماز نہیں پڑھ سکتے، چنانچہ وہ کرسی پر بیٹھ کر فرش کے بجائے اپنے جوتوں ہی پر پیر رکھ کر نماز پڑھ لیتے ہیں تو کیا فرش کے بجائے جوتوں پر پیر رکھ کر نماز پڑھنا درست ہے، جب کہ وہ ہر دفعہ وضو کرتے ہوئے جوتوں کو بھی دھو لیتے ہیں؟

جواب: اگر جوتے یا چپل کے اوپر کے حصے پر نجاست نہیں لگی ہوئی ہو تو اس پر پاؤں رکھ کر نماز پڑھ سکتے ہیں، البتہ مسجد میں جوتوں کے اوپر پاؤں رکھ کر نماز پڑھنا مسجد کے ادب کے خلاف ہے۔