عنوان:
مسجد کی بجائے سینٹر میں جماعت کروانا(3561-No)
سوال:
السلام علیکم، مفتی صاحب ! ہمارے ایک دوست کا کوچنگ سینٹر ہے، جس کے نزدیک ہی مسجد واقع ہے، اگر مسجد جانے کے بجائے وہ سینٹر ہی میں نمازوں کا اہتمام کریں، تو کیا یہ مناسب عمل ہو گا؟
جواب: اگر کوئی شخص بیماری یا کسی شرعی عذر کی وجہ سے گھر یا کسی دوسری جگہ جماعت کرالے یا کبھی اتفاقا اس طرح جماعت کرلی جائے، اور مسجد میں دوسرے لوگ جماعت کرلیں، تو اس کی گنجائش ہے، کیونکہ جماعت سے نماز پڑھنا ایسی سنت مؤکدہ ہے، جو حکم کے اعتبار سے واجب کے قریب ہے، اور مسجد میں جماعت کا اہتمام واجب کفایہ ہے۔
پوچھی گئی صورت میں اگر کوچنگ سینٹر میں نماز پڑھنے کی وجہ سے مسجد کی جماعت معطل نہ ہوجائے تو جماعت سے نماز پڑھنے کا ثواب تو حاصل ہوجائے گا، البتہ مسجد میں نماز پڑھنے کا ثواب حاصل نہیں ہوگا، لیکن مسجد میں نماز نہ پڑھنے کی مستقل عادت بنا لینا مکروہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (باب صلاۃ الجماعۃ من سنن الھدی، 453/1، ط: دار احیاء الکتب العلمیۃ)
عن ابی الاحوص قال: قال عبداللہ لقد رایتنا وما یتخلف عن الصلاة الا منافق قد علم نفاقہ او مریض ان کان المریض لیمشی بین رجلین حتی یاتی الصلاة. وقال: ان رسول اللہ صلی الله عليه وسلم علَّمَنا سنن الھدی وان من سنن الھدی الصلاۃ فی المسجد الذی یؤذن فیہ.
و فیہ ایضاً: (453/1، ط: دار احیاء الکتب العلمیۃ)
حدثنا ابوہریرة عن رسول اللہ صلی اللہ علیہ وسلم قال رسول اللہ صلی الله عليه وسلم لقد ہممت أن آمر فتیاني ان یستعدوا لی بحزم من حطب ثم آمر رجلا یصلی بالناس ثم تحرق بیوت علی من فیھا.
الدر المختار: (باب الامامۃ، 554/1، ط: سعید)
(فتسن او تجب) ثمرتہ تظھر فی الاثم بترکھا مرۃ (الجماعۃ) علی الرجال العقلاء البالغین الاحرار القادرین علی الصلوٰۃ بالجماعۃ من غیر حرج.
مجمع الانھر: (106/1)
لو صلی في بیتہ بزوجتہ أو ولدہ فقد أتی بفضیلۃ الجماعۃ.
فتح القدیر: (300/1)
ویکون بدعۃ و مکروھا بلا عذر‘‘
نظام الفتاوی: (193/2)
واللہ تعالٰی اعلم بالصواب
دارالافتاء الاخلاص،کراچی
Ghar, main, mein, Jumaat, Jumaa't, karwana,
Congregational prayers at house, Praying in Congreation at home, Congregation, prayer, Home, Residence