عنوان:
حج کے متعلق استطاعت کی تعریف (3562-No)
سوال:
السلام علیکم، مفتی صاحب ! قرآن کریم میں ارشاد باری تعالی ہے:وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًااور لوگوں پر اللہ کا یہ حق ہے کہ جو اس کے گھر پہنچنے کی استطاعت رکھتا ہو، وہ اس کا حج کرے۔(آل عمران: ٩٧) جناب ! دریافت طلب امر یہ ہے کہ اس آیت مبارکہ میں استطاعت سے کیا مراد ہے، یعنی حج کس شخص پر فرض ہے؟
جواب: واضح رہے کہ حج کی استطاعت رکھنے کا مطلب یہ ہے کہ اگر کسی شخص کے پاس اسکی حاجات اصلیہ اور حج سے واپس آنے تک اسکے اہل وعیال کے نفقہ کے علاوہ اتنی رقم ہو، جو حج کے تمام اخراجات کیلئے کافی ہو، یا نقد رقم تو نہ ہو، لیکن اسکی ضروریات سے زائد اتنی جائیداد یا مال تجارت موجود ہو، جسکو فروخت کرکے حج کے اخراجات کے بقدر رقم حاصل ہوجائے، تو دونوں صورتوں میں وہ شخص صاحب استطاعت شمار ہوگا، اور اس پرحج فرض ہو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الخانیۃ علی ھامش الھندیۃ: (282/1)
ومن شرائط الاستطاعۃ وھی ان یملک مالا فاضلا عن مسکنہ وفرشہ وثیاب بدنہ وفرسہ وسلاحہ ونفقۃ عیالہ واولادہ الصغارمدۃ ذھابہ وایابہ وان یکفی ذلک الفاضل للزادوالراحلۃ…وقال بعض العلماء:ان کان الرجل تاجرا یعیش بالتجارۃ فملک مالامقدار مالودفع منہ الزاد والراحلۃ لذھابہ وایابہ ونفقۃ عیالہ واولادہ من وقت رجوعہ یبقی لہ بعدرجوعہ رأس مال التجارۃ التی کان یتجر بھاکان علیہ الحج والافلا۔
غنیۃ الناسک: (ص: 26)
الرابع المحرم أو الزوج لامرأۃ بالغۃ ولو عجوزاً أو معہا غیرہا من النساء الثقات والرجال الصالحین وتجب علیھا النفقہ والراحلۃ لمحرمھا؛ لانہ محبوس علیھا ۔۔۔۔۔۔۔ثم اختلفوا ان المحرم او الزوج شرط الوجوب او شرط الاداء کما اختلفوا فی امن الطریق؟ فقیل: الصحیح الاول،وقیل الصحیح الثانی۔۔۔۔۔۔۔۔
رد المحتار: (کتاب الحج، 200/2)
(قولہ قولان) ھما مبنیان علی ان وجود الزوج اوالمحرم شرط وجوب ام شرط اداء والذی اختارہ‘ فی الفتح انہ مع الصتحہ وامن الطریق شرط وجوب الا داء فیجب الا یصاء ان منع المرض او خوف الطریق اولم یوجد زوج ولا محرم
واللہ تعالٰی اعلم بالصواب
دارالافتاء الاخلاص،کراچی
Hajj, Mutaaliq, Istitaat, taareef, tareef, Aurat par Hajj, kab farz, fard, hoga,
Definition of affordability regarding Hajj and when will Hajj be obligatory on a woman?, Affordability of Hajj, Defining Affordability, Affording Hajj, When Hajj becomes compulsory for a woman, mandatory