سوال: السلام علیکم، مفتی صاحب! ہماری جاننے والی ایک خاتون نے بتایا کہ عورت کو ہر ماہواری گزرنے کے بعد اپنے غیر ضروری بال صاف کر لینے چاہئیں، ورنہ پاکی حاصل نہیں ہوگی، کیا یہ بات درست ہے؟ کیا ہر ماہواری کے بعد غیر ضروری بال صاف کرنا ضروری ہے؟

جواب: واضح رہے کہ شرعاً ہر ہفتے غیر ضروری بال صاف کرنا سنت ہے، اور چالیس دن تک صفائی کو مؤخر کرنا بھی جائز ہے، البتہ چالیس دن گزرنے کے بعد بھی غیر ضروری بال صاف نہ کرنا گناہ ہے۔
ہر ماہواری (حیض) سے پاک ہونے کے بعد اگر غیر ضروری بالوں کی صفائی کی جائے تو بہتر ہے، البتہ یہ لازم اور ضروری نہیں ہے۔