عنوان:
حیض کے ایام میں قرآن مجید کیسے یاد کیا جائے؟(3631-No)
سوال:
السلام علیکم، مفتی صاحب! میں قرآن شریف حفظ کر رہی ہوں، اور اس دوران میرے ایام شروع ہو جائیں، تو میں قرآن کس طرح یاد کروں؟ اور قرآن کے صفحے کو کسی کپڑے وغیرہ سے پلٹنا میرے لیے جائز ہے یا نہیں؟
جواب:
واضح رہے کہ حیض کے ایام میں قرآن مجید کا زبان سے پڑھنا جائز نہیں ہے، البتہ اگر آپ کو بھولنے کا اندیشہ ہو، تو بغیر زبان ہلائے دل میں سوچتی رہیں، زبان سے الفاظ ادا نہ کریں، اور ناپاکی کی حالت میں قرآن مجید کے صفحات کو کپڑے وغیرہ سے پلٹنا جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذي: (رقم الحدیث: 131)
عن ابن عمر رضي اللّٰہ عنہما عن النبي صلی اللّٰہ علیہ وسلم قال: لا تقرء الحائض ولا الجنب شیئاً من القرآن۔
غنیة المستملي: (فروع إن أجنبت المرأۃ، ص: 58، ط: أشرفیة)
ولا یجوز لہم أي للجنب والحائض والنفساء مس المصحف إلا بغلافہ … ہذا یعني جواز الأخذ بالغلاف إذا کان الغلاف غیر مشرز أي غیر محبوک مشدود بعضہ إلی بعض، وإن کان الغلاف مشرزا لا یجوز الأخذ بہ، ولا مسہ قال في الہدایۃ: ہو الصحیح یعني أن الغلاف ما یکون متجافیا لا ما یکون متصلا بہ؛ لأنہ صار تبعا للمصحف۔
واللہ تعالٰی اعلم بالصواب
دارالافتاء الاخلاص،کراچی
Haiz, heiz, haz, ayyam, ayam, quran, Koran, majid, majee, kaisay, yaad, karein,
During menstruation how to memorize Quran, mensis, periods, qirat, Quran