سوال: السلام علیکم، مفتی صاحب! میرا عمرہ کرنے کا ارادہ ہے، اور میں چونکہ ایئر لائن میں ملازم ہوں، اسلئے مجھے آنے جانے کا ٹکٹ فری ملتا ہے، مگر سیٹ کنفرم نہیں ہوتی، بس جس جہاز میں سیٹ خالی ہوتی ہے اس وقت ملازم جاسکتا ہے، تو ایسی صورت میں احرام باندھنے کا کیا حکم ہے؟ کیا اس صورت میں جدہ ایئر پورٹ پہنچ کر احرام باندھنا صحیح ہے؟

جواب: واضح رہے کہ اگر آپ عمرہ کے ارادے سے نکلے ہیں، تو میقات سے پہلے احرام باندھنا ضروری ہے، اس لئے آپ کو چاہیے کہ جب آپ کی سیٹ کنفرم ہو جائے اور آپ کو بورڈنگ کارڈ مل جائے، اس وقت احرام باندھ لیں، اگر انتظار گاہ میں احرام باندھنے کا وقت ہو تو وہاں باندھ لیں، ورنہ جہاز پر سوار ہوکر باندھ لیں۔