سوال: السلام عليكم، مفتی صاحب ! میرے والد، جن کا پانچ سال پہلے انتقال ہو چکا ہے، اور انہوں نے کوئی وصیت بھی نہیں کی تھی، نے ایک مکان میری والدہ کے نام بنوایا تھا، میری والدہ جو اللہ کے فضل سے اب بھی حیات ہیں، اس مکان کو بیچ کر ہمارے درمیان رقم تقسیم کرنا چاہتی ہیں، ہم تین بھائی اور تین بہنیں ہیں، از راہ کرم رہنمائی فرمائیں کہ رقم ہمارے درمیان کس تناسب سے تقسیم ہو گی، اور والدہ اپنے لیے کتنی رقم رکھ سکتی ہیں؟
مزید یہ بھی بتا دیں کہ چونکہ عمارت کئی منزلہ ہے، تو اس میں کرایہ دار بھی رہتے ہیں، تو مکان کا کرایہ لینے کا حق کس کو ہے، اور اس رقم کو مکان کی دیکھ بھال (maintenance ) پر کس طرح خرچ کیا جائے گا؟

جواب: واضح رہے کہ اگر آپ کے والد نے جائیداد صرف آپ کی والدہ کے نام کی تھی، اور قبضہ نہیں دیا تھا، تو یہ تمام جائیداد آپ کے والد کی ملکیت شمار ہوگی اور ان کے انتقال کے بعد ان کے شرعی ورثاء میں تقسیم ہوگی۔
والد کی تجہیز و تکفین، قرض کی ادائیگی اور اگر کسی کے لیے جائز وصیت کی ہو، تو ایک تہائی (1/3) میں وصیت نافذ کرنے کے بعد کل جائیداد کو بہتر (72) حصوں میں تقسیم کیا جائے گا، جس میں سے مرحوم کی بیوی کو نو (9)، ہر ایک بیٹے کو چودہ (14) اور ہر ایک بیٹی کو سات (7) حصے ملیں گے۔
اگر فیصد کے حساب سے تقسیم کریں
مرحوم بیوی کو % 12.5 فیصد
ہر ایک بیٹے کو % 19.44 فیصد
ہر ایک بیٹی کو % 9.72 فیصد ملے گا۔
نوٹ: پانچ سال کا کرایہ اسی تناسب سے شرعی ورثاء کے درمیان تقسیم ہوگا۔