سوال:
السلام علیکم، مفتی صاحب ! ایک نماز کا کتنا فدیہ ہوگا اور ایک دن کی کتنی نمازوں کا فدیہ دینا ہوتا ہے؟
جواب:
ایک نماز کا فدیہ ایک صدقہ فطر یعنی تقریباً پونے دو کلو گندم یا اس کے بقدر قیمت ہے۔
نیز واضح ہو کہ نمازوں میں وتر کی نماز کو بھی شامل کیا جائے گا، اس اعتبار سے ایک دن کی چھ نمازوں کا فدیہ کسی مستحق زکوٰة کو دینے سے ادا ہو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (72/2، ط: سعید)
(ولو مات وعليه صلوات فائتة وأوصى بالكفارة يعطى لكل صلاة نصف صاع من بر) كالفطرة (وكذا حكم الوتر).
واللہ تعالٰی اعلم بالصواب
دارالافتاء الاخلاص،کراچی